[8] Санторинигийн Акротири: галт уулын үнсэнд булагдсан Хүрэлийн үеийн хот
Санторини (Тера) арлын өмнөд хэсэгт орших Акротири нь Хүрэлийн үеийн далайн худалдаа эрхэлдэг, нарийн зохион байгуулалттай нийгмийн үлдэгдэл юм. Галт уулын үнсэнд булагдсан учраас «Грекийн Помпей» гэж нэрлэгддэг. Smithsonian сэтгүүл 11 дүгээр сарын 3-нд энэ сэдвээр өгүүлэл нийтэлжээ. Акротирийн түүхийг 8 зургаар харцгаая.
1. Санторинигийн кальдер
Тера галт уул МЭӨ 17 эсвэл 16 дугаар зуунд дэлбэрч, Акротириг үнсэнд булсан. Энэ нь бичигдсэн түүхэн дэх хамгийн хүчтэй дэлбэрэлтүүдийн нэг байв. Өнөөдөр тэр галт уулын захын хэсэг л далайн түвшнээс дээш үлджээ.
Зураг (тайлбар): Steve Jurvetson / Wikimedia Commons, CC BY 2.0
2. Малтлагын талбай
1860-аад онд Суэцийн сувагт хэрэглэх галт уулын үнс олборлож байхдаа ажилчид эртний хотын үлдэгдэлтэй таарчээ. Афины их сургуулийн Спиридон Маринатос 1967 онд системтэй малтлагаа эхэлсэн бөгөөд тэр ажил өнөөг хүртэл үргэлжилж байна.
Зураг (тайлбар): Ad Meskens / Wikimedia Commons, CC BY-SA 4.0
3. Бүхэлдээ дээвэртэй талбай
Малтсан 40 орчим барилга нь талбайн гуравны нэг орчим гэж тооцогддог. Талбайг бүхэлд нь хамарсан биоклиматик дээвэр агаар сэлгэж, байгалийн гэрэл оруулан, олдворыг цаг агаараас хамгаалдаг.
Зураг (тайлбар): Norbert Nagel / Wikimedia Commons, CC BY-SA 3.0
4. Гурвалжин талбай, Баруун байшин
Гурван давхар хүртэл өндөр барилгууд, нийтийн талбай, нарийн төвөгтэй ус зайлуулах систем нь Акротирийн хот төлөвлөлт сайн хөгжсөн байсныг харуулдаг.
Зураг (тайлбар): Zde / Wikimedia Commons, CC BY-SA 4.0
5. «Хаврын» фреск
Маринатосын баг байшингуудаас олон сайн хадгалагдсан ханын зураг олжээ. «Хаврын» фреск одоо Афины Үндэсний археологийн музейд хадгалагдаж байна.
Зураг (тайлбар): Зохиогч тодорхойгүй / Wikimedia Commons, Public domain
6. Бокс хийж буй хүүхдүүд
Хоёр хүүхэд бокс хийж буйг, зээр антилопыг дүрсэлсэн энэ фреск Акротирийн В1 өрөөнөөс олдсон бөгөөд Хожуу Миноагийн IA үед хамаарна.
Зураг (тайлбар): ArchaiOptix / Wikimedia Commons, CC BY-SA 4.0
7. Загасчин
Дорадо загас барьсан загасчны фреск 1.10 м өндөртэй. Антилоп, сармагчин, зэрлэг муурны дүрс бүхий фрескүүд Египеттэй худалдаа хийж байсныг санагдуулдаг гэж судлаачид үздэг.
Зураг (тайлбар): Зохиогч тодорхойгүй / Wikimedia Commons, Public domain
8. Акротирийн ваар савнууд
Акротири МЭӨ 4 дэх мянганаас эхлэн суурьшсан бөгөөд Хүрэлийн үед Эгейн тэнгисийн томоохон хотуудын нэг болжээ. Ваар савнууд Фира дахь Балар эртний Тера музейд хадгалагдаж байна.
Зураг (тайлбар): Norbert Nagel / Wikimedia Commons, CC BY-SA 3.0
Эх сурвалж: Smithsonian Magazine (2026.11.03), Fodor's, Discover Greece
