Эхний 10 сард улсын нэгдсэн төсвийн тэнцэл 1.4 их наяд төгрөгийн алдагдалтай гарлаа

Сүхбаатарын талбайгаас харагдах Улаанбаатарын панорам

Зураг (Сүхбаатарын талбайгаас харагдах Улаанбаатарын панорам): Zboogie31 / Wikimedia Commons, CC BY-SA 4.0

2026 оны эхний 10 сарын байдлаар улсын нэгдсэн төсвийн нийт орлого, тусламж 29.7 их наяд төгрөгт хүрч, өмнөх оноос 4.6 их наяд төгрөгөөр нэмэгдэв. Харин нийт зарлага, цэвэр зээл 27.4 их наяд төгрөг болж, 2.5 их наяд буюу 10.2 хувиар өссөн. Тэнцвэржүүлсэн тэнцэл 1.4 их наяд төгрөгийн алдагдалтай гарсан нь 2025 оны мөн үеийн 1.5 их наяд төгрөгийн алдагдлаас бага зэрэг сайжирсан үзүүлэлт.

Татварын нийт орлого 23.9 их наяд төгрөг болж, 2.5 их наяд буюу 11.7 хувиар өссөн. Нийгмийн даатгалын орлого 767.5 тэрбум (17.3 хувь), НӨАТ 835.5 тэрбум (17.3 хувь), орлогын албан татвар 728.2 тэрбум төгрөг (10.6 хувь)-өөр нэмэгдсэн. Харин онцгой албан татварын орлого 46.8 тэрбум төгрөгөөр (5.6 хувь) буурчээ.

Татварын орлогын бүтцэд орлогын албан татвар 31.7 хувь, НӨАТ 23.7 хувь, нийгмийн даатгал 21.8 хувь, гадаад үйл ажиллагаа 6.7 хувь, онцгой албан татвар 3.3 хувийг эзэлж, бусад нь 12.9 хувь байна. Орлогын албан татварын 65.1 хувийг аж ахуйн нэгжийн орлогын албан татвар, 34.9 хувийг хувь хүний орлогын албан татвар бүрдүүлжээ.

Зарлагын хувьд бараа үйлчилгээний зардал 949.8 тэрбум (11.8 хувь), урсгал шилжүүлэг 937 тэрбум төгрөг (9.6 хувь)-өөр өссөн. Нийт зардлын 39.1 хувийг урсгал шилжүүлэг, 33.1 хувийг бараа үйлчилгээ, 19.8 хувийг хөрөнгийн зардал, 4.8 хувийг хүүгийн зардал, 3.2 хувийг татаас эзэлж байна.

Хөрөнгийн зардал нийт 5.4 их наяд төгрөгт хүрч, 485.4 тэрбумаар (9.9 хувь) өссөн. Үүнээс барилга байгууламж 189.8 тэрбум, тоног төхөөрөмж 93.8 тэрбум, их засвар 32.3 тэрбум, бусад хөрөнгийн зардал 131.9 тэрбум төгрөгөөр нэмэгдсэн байна.

Хуваалцах:

Сэтгэгдэл нэмэх

reload, if the code cannot be seen