Цахим спортыг олимпийн төрөлд оруулахаар ажиллах болно гэв
2020/04/07
2018 оны Жакартагийн Азийн наадмын цахим спортын тэмцээнд олон улсын 8 баг оролцох бөгөөд 7 нь Азийн сонгон шалгаруулах тэмцээнээр тодорч, зохион байгуулагч орон Индонез үлдсэн нэг багийг бүрдүүлэх юм байна. Азийн бүсийн эрх авах тэмцээн Өмнөд, Зүүн, Төв, Баруун, Зүүн Өмнөд Азид болно. Одоогоор 27 орон, бүс нутаг Азийн сонгон шалгаруулах тэмцээнд оролцохоор бүртгүүлжээ. Зүүн Азийн эрх авах тэмцээний гол талбар нь Хонконг болох юм.
Азийн цахим спортын холбооны тэргүүн Хүө Чиган хэлэхдээ “Цахим спортын төрлийг анх 2018 оны Жакартагийн Палембаны Азийн наадмын үзүүлбэрийн төрөлд оруулсан нь цахим спортын түүхэн дэх том дэвшил болсон юм. Тус спорт 2022 онд Ханжөүгийн Азийн наадмын албан ёсны төрлөөр ороход бат бэх үндэс суурь тавьсан билээ. Азийн цахим спортын холбоо тус спортыг дэмжиж, олимпийн спортын төрөлд оруулахаар хичээн ажиллах болно” гэжээ.
Мөн Хонконгийн засаг захиргааны онцгой бүсийн Хууль тогтоох хорооны гишүүн Гэ Пэйфань “Цахим спорт ирээдүйн Хонконгийн шинэ эдийн засгийн хөгжлийн нэг чухал салбар болно. Хонконг олон улсын цахим спортын төв болон хөгжих боломжтой юм” гэж цохон тэмдэглэжээ.
