Видео - Problem.mn

Таанын үнэр ханхалсан тал нутгийн бяслаг

erka — Fri, 05 Sep 2025 14:57:39 +0800

"Хар тас" хамтлагийн домогт "Snap"-тай хамтарсан тоглолтыг шууд сувгаар үзэх боломжтой

Hulan — Sat, 28 Dec 2024 09:41:14 +0800

“Хар тас хаа ч явсан сийхгүй”, “Бүрхэг Тэнгэр”, “Газар тэнгэр”, “Санаа минь” , “Охин заяа” зэрэг дуунуудаараа олон нийтийн зүрх сэтгэлд хоногшсон хамтлаг бол “Хар тас”.

Өдгөө тус хамтлагийн 33 жилийн ой болж байгаа бөгөөд тус хамтлагийнхан тоглолт хийж ойгоо шүтэн бишрэгчидтэйгээ хамт нижгэр тэмдэглэх гэж байна.

Тоглолт өнөөдөр /2024.12.28/ Аса аренад болох бөгөөд тоглолтод АНУ-ын домогт "Snap" хамтлаг оролцох юм. Дөрвөн цаг үргэлжлэх тоглолтоор "Snap" хамтлагийг үзэгчид таатай хүлээж авч, үнэхээр доргио байвал хэдэн ч дуу дуулж магадгүй гэнэ шүү. Ямартай ч урьдчилсан байдлаар 1 цомог бүхий 11 дуугаар 30 минутыг үзэгчдэд зориулах хүсэлтийг "Хар тас-ын зүгээс тавьсан аж.

Гурван хэсгээс бүрдэх тоглолтод Монголын old school уран бүтээлчид болох Дайн ба энх, Ice top, Digital, 2 хүү Gavana, Mon Ta Rap, Эрх чөлөө, Mr.Doggs, мөн. МУГЖ Т.Ариунаа, МУСТА Т.Дэлгэрмөрөн нар оролцох юм байна.

Тоглолтын цахим тасалбарыг Shoppy.mn сайтаас авах боломжтой бол биет тасалбарыг GS 25 дэлгүүрийн бүх салбараас болон АSA ARENA тасалбарын кассаас худалдан авах боломжтой.

Хилийн чанад дахь Монголчууд тоглолтыг лайваар үзэх боломжтой гэдгийг зохион байгуулагчид хэлж байсан юм. Шууд үзүүлбэрийн эрхийг зөвхөн 88Film гэх байгууллага эзэмшиж байгаа ба тухайн сувгаас тоглолтыг давхар шууд татаж олон нийтэд үзүүлэх тохиолдолд хариуцлагын асуудал яригдах болохыг мөн анхааруулж байлаа.

“Цөмөөч ханхүү ба хулганы хаан” балетад хүүхдүүд ээжтэйгээ тоглоно

Hulan — Thu, 26 Dec 2024 13:47:32 +0800

Зөвхөн олон сар жилээр тусгай бэлтгэгдсэн авьяастнууд л балетын дүрд тоглох боломжтой гэсэн ойлголтыг “Цөмөөч ханхүү ба хулганы хаан” балет эвдэж байна. Ирэх бямба, ням гаригт СТӨ-нд 150 хүүхэд, томчуудын бүрэлдэхүүнтэй тоглох тус балетад гурван сар бэлтгэгдсэн хүүхдүүдийн зарим нь ээжүүдтэй хамт тоглох нь.

Олон Улсын Урлаг боловсролын хөгжлийн “Гэрэлт ертөнц” академи “Дэлхийн соёл Монгол хүүхдэд” төслийнхөө хүрээнд “Цөмөөч ханхүү ба хулганын хаан” балет наадмыг хоёр дахь жилдээ энэ сард зохион байгуулж байна. ОХУ-ын балетын жүжигчдийн хамт 12 дугаар сарын 28. 29-ний өдөр Соёлын төв өргөөнд тоглох тус балетын тоглолтын үнэ 33 000-55 000 төгрөг.

Дэлхийн аль ч улс оронд шинэ жилийн баяраар хүүхэд багачууд, томчуудад урлагийн гайхамшгийг мэдрүүлэн шидэт ертөнцөөр аялуулдаг сонгодог урлагийн тоглолтыг илүү олон хүүхэд багачууд, томчуудад хүргэхийн тулд олон шинэ шийдэлтэй зохион байгуулж байгаагаа “Гэрэлт ертөнц” академийн тэргүүн, балетчин Ч.Батгэрэл танилцууллаа.

Тэрээр “Бид хүүхдүүдэд зөвхөн тоглолт үзээд зогсохгүй тайзан дээр шидэт үлгэрийнa дүр бүтээх үүд хаалгыг нээдгээрээ онцлог. Манай сургалтыг ОХУ-д балетийн мэргэжил эзэмшсэн, хайр татсан олон дүр бүтээж амилуулсан багш нар эрхлэн явуулдаг. Бидний хувьд илүү олон хүүхдийг тоглолтдоо хамруулж балетын урлагаар хичээллэх боломжийг олгохыг зорьж байна. Тиймээс “Цөмөөч ханхүү ба хулганын хаан” балетдаа цасан ширхэгийн бяцхан охидоос эхлээд Орос, Хятад, Испани үндэстний хүүхэлдэй гээд олон дүрүүдийг нэмж дэглэж байна. Эцэг эхчүүд энэ хотын түгжээнд хүүхдүүдээ хичээл сургалт таслуулахгүй зөөж хамруулж байгаад үнэхээр их талархаж байна. Сургалтад хамрагдсан хүүхдүүд балетын урлагт улам бүр догдолж дурладаг. Тиймээс бид хүүхдүүдээ уйгагүй зөөж байгаа ээжүүддээ бэлэг барихаар 19 зууны хатагтайн дүрд бүжиглэх санал тавьсан. Эцэг эхчүүд маш баяртай хүлээн авч ордны бүжгийн сургалтад хамрагдан хүүхдүүдтэйгээ хамтран тайзнаа бүжиглэж байна. Ер нь бидний тоглолт гэр бүлээрээ цугласан баярт мөчүүд болж өрнөдөг. Монгол хүүхдүүд энэ сонгодог урлагийн бүтээлийг үзээд зогсохгүй суралцаж, жүжигт оролцон тоглосноороо олон талаараа хөгждөг” гэлээ.

“Гэрэлт ертөнц” академи нь сонгодог урлагаар дамжуулан үндэсний бахархлыг бий болгохын зэрэгцээ өв тэгш үндэсний ухамсарт эх оронч монгол хүнийг төлөвшүүлэхэд хувь нэмэр оруулах зорилготой “Дэлхийн соёл Монгол хүүхдэд” төслийг санаачилжээ.

Самар цөмөгч модон цэргүүд Маша охиныг аврахын тулд хулганын хаан ба түүний цэргүүдтэй хэрхэн тулалдан тэмцэж байгааг өгүүлдэг “Цөмөөч ханхүү ба хулганын хаан” балетийг хүүхэд багачуудтайгаа үзэж урлагийн гайхамшгийг мэдрэн мартагдашгүй дурсамж бүтээхийг урьж байна.

“Цөмөөч ханхүү ба хулганы хаан” балет Монголын үйлдвэрчний эвлэлийн соёлын төв өргөөнд энэ сарын 28. 29-ны өдөр 13.00, 18.00 цагаас тус тус болно. Тоглолтын тасалбар TICKET.MN сайтаар борлуулж байна.

Төрийн дууллыг "давсан" А.Амартүвшин орлогчийн үг түмний дургүйг хүргэв

Hulan — Tue, 29 Oct 2024 22:23:04 +0800

Хотын дарга Х.Нямбаатарын хоёрдугаар орлогч А.Амартүвшин нийслэлийн ойд зориулсан хүчит бөхийн барилдааны үед гаргасан фактаасаа болж багагүй шүүмжлэл хүртээд байна. Тэрбээр "Монгол Улсын төрийн дуулал" эгшиглэх үеэр чанга яригчаар үг хэлж ёс алдав. Түүнийг зогсолтгүй үгээ хэлсээр байсан тул Төрийн дууллыг зогсоожээ. Угтаа бол "Монгол Улсын төрийн дуулал" эгшиглэх үеэр иргэд босож хүндэтгэл үзүүлдэг уламжлалтай.

Харин нэр дурдсан дарга хүүхэд ч мэдэх энэ ёсыг умартсанаар, магадгүй одоо болтол мэддэггүйгээсээ болж даргаасаа бус олон нийтээс багагүй банга хүртэхээр боллоо.